Селекторката на женската кадетска репрезентација на Македонија, Даниела Новеска Вељаноска, го објави списокот на ракометарки за Светското првенство во училишен ракомет.
Новеска ќе смета на 20 ракометарки за оваа акција, а главно тоа се оние што настапија на кадетското ЕП во Црна Гора минатото лето.
СП во училишен ракомет ќе се игра во Скопје од 20 до 29 април, а собирот на ракометарките ќе биде на 6 април од 09:30 часот во салата „Антон Димитров“.
Дополнително ќе бидат познати ривалите на нашите ракометарки на претстојното СП во училишен ракомет.
