Некогашниот голман на Вардар, Артурс Кугис, во новата сезона ќе ги брани боите на исландскиот Хордур.
Новиот тим во елитната конкуренција на Исланд го ангажираше екс чуварот на мрежата на летонската репрезентација.
„Кога се вратив во Летонија, не излезе се како што планиравме со семејството. Од спортска страна, ако останев во Летонија, ќе ја завршев кариерата. Ние сме веќе три недели на Исланд и задоволни сме од приемот. Јас исто така се навикнав на екипата, не ми е првпат надвор од татковината“, вели Кугис.
Кугис е познат на македонската јавност по настапите за Вардар во сезоната 2019/2020 во Лигата на шампионите и во регионалната СЕХА лига.
По заминувањето од Скопје играше во Шведска, а последните неколку сезони ги мина во летонскиот Тенакс Добеле.
