За разлика од женскиот клупски ракомет, норвешките машки екипи немаат таква доминација во лигата на шампионите па Колштад мораше да „капитулира“ пред Спортинг во меч од А групата на лигата н ашампионите, бидејќи португалскиот тим триумфираше со 34-30. До 40 минута домашните имаа водство, а потоа гостите откако ја преземаа иницијативата и предност, не дозволија да им „избегаат бодовите“.
Со новата победа Спортинг е на третото место на табелата со 8 бода, исто колку и Олборг, но Данците имаат натпревар помалку. Колштад останува на дното, на претпоследното место со само два бода, пред Динамо Букурешт кој е единствен без освоени бодови во групната фаза.
Домашниот тим го отвори дуелот моќно – водството на Колстад достигна и „плус 6“, предводено од Симен Улстад Лисе, кој мечот го заврши со 12 гола од 14 обиди и беше неверојатен. Но, второто полувреме донесе целосен пресврт – Спортинг одигра феноменални 19 минути со одбрана што ја „заклучи“ норвешката офанзива.
Клучниот човек на мечот беше Франсиско Мота Кошта со 9 гола, а поддржан од Виктор Ромеро (7 голови, 87% реализација) и Јан Гури (3 голови, 5 асистенции). Во моментот кога Колстад водеше со 20-17, Спортинг направи серија од 5-0, а по неа веќе немаше враќање.
Во последните десет минути, Ромеро и Мота Кошта беа незадржливи. Колстад имаше и своја светла точка – покрај Лисе, Адријан Алберг даде 7 голови, но бројните технички грешки (14 на мечот) ја урнаа нивната шанса за триумф.
Во следното коло Колштад е домаќин на Веспем, а Спортинг ќе го пречека Берлин.
