Есенскиот дел од Бундес лигата како и секогаш завршува пред Нова Година, но натпревари се играат и на католичкиот Божик.
Тренерот на Кил, Филип Јиха, во германските медиуми реагираше за одлуката да се играат натпревари за време на празникот.
„Ние не сме спасувачи, лекари, полицајци или пожарникари, кои се жртвуваат за да им помагаат на луѓето секој ден, па и на празници, односно на Божик. Ние сме ракометари. На овој празник треба да бидеме со нашите семејства. Не би сакал да играме на Божик. Тоа време треба да им го посветиме на блиските“, изјави Јиха.
Кил играше на гости кај Лемго на божикниот натпревар и успеа да победи минимално со 23-22.
