Денеска во Каиро, на Изборниот конгрес на ИХФ, беше избран претседателот на светска куќа на ракометот.
Тоа ќе биде досегашниот претседател, Хасан Мустафа, кој доби нов мандат и ќе владее со светскиот ракомет наредните четири години.
Мустафа е на чело на ИХФ од 2000 година и ако го комплетира целиот нов мандат ќе има 85 години.
Египќанецот освои 129 гласови (73%), Фрањо Бобинац имаше 24, Герд Буцек 20, додека Тјарк Де Ланге само 3, од присутните 176 делегати.
За потпретседател на ИХФ беше избран Французинот Филип Бана.
