Тимот на Вардар Неготино славеше на гостувањето кај Јехона со 39-35 во натпреварот од прволигашкиот плеј-оф.
Предводени од кавадарчанецот Костадин Петров и неготинецот Драган Кузманов, вардарци ги освоија бодовите во Гостивар.
Домаќините беа конкуренти особено во првото полувреме, но немаа сили за камбек во мечот по негативата во второто полувреме.
Петров и Кузманов дадоа по девет голови за неготинци, додека кај Јехона се истакна искусниот Салиу со 12 голови.
Вардар Неготино има десет бода на шестата позиција, додека Јехона е на десеттото место со четири бодови.
