„Витамините“ од Автокоманда го совладаа Вардар Неготино со 34-29 во дерби натпреварот од прволигашката конкуренција.
Гостите од Неготино го доживеаја третиот пораз сезонава, по претходните од Младост Богданци и Текстилец, па избраниците на Игор Котевски ќе имаат сериозен предизвик во борбата за врвот, додека „витамините“ и натаму се зад лидерот од Богданци.
Неготинци пружија голем отпор, беше нерешени четириесетина минути, 21-21, а потоа домашните ја направија клучната серија од пет гола кога стигнаа до 26-21 и ја одржаа до крајот.
Немања Џигероски даде 12 гола за победникот, а кадетскиот репрезентативец Бобан Поповски постигна десет погодоци. Во составот од Неготино, Мице Шилегов беше најдобар стрелец со девет гола.
