Унгарскиот вицепрвак ПИК Сегед објави дека го продолжи договорот со шведскиот стратег Микаел Апелгрен до летото 2028 година.
Апелгрен го презеде кормилото на клубот во 2024 година, а под негово водство Сегед одигра 64 натпревари и во април годинава го освои Купот на Унгарија.
„Многу ми се допаѓа да работам во Сегед. Чувствувам дека постојано се развиваме и се движиме во вистинска насока. Минатата сезона имавме незаборавни моменти, а сега нè очекуваат потешки времиња поради повреди. Но, кога ќе помине овој период, ќе бидеме уште посилни,“ изјави Апелгрен.
Паралелно со клупската работа, Апелгрен ја извршува и селекторската функција во машката репрезентација на Шведска.
