Машката репрезентација на Македонија по деветти пат ќе биде дел oд Мундијалите и ќе настапи на СП 2025 во Хрватска, Данска и Норвешка.
За пласманот на големо натпреварување, избраниците на Кирил Лазаров мораа добро да се испотат.
По поразот во Торшавн со 34-27, нашите ракометари се надминаа себе и на реваншот во Скопје го надиграа комплетно ривалот.
Македонија носена од публиката во СЦ „Борис Трајковски“, славеше со 34-26, иако во повеќе наврати имаше и плус девет и го потврди пласманот на СП.
Пешевски имаше осум гола, Кузмановски даде седум, Митев стрелаше шест пати, додека Серафимов пет пати се запиша во листата на стрелци.
Македонија на СП 2025 ќе игра во група со Унгарија, Холандија и Гвинеја, а доколку се пласира во главната рунда ќе вкрсти со групата во која се Франција, Катар, Кувајт и Австрија.
