Европската ракометна федерација ги одреди официјалните лица за натпреварите од 13 коло во Лигата на шампионите.
Најдобрата судиска двојка Славе Николов и Ѓорѓи Начевски ќе патува во Порто, Португалија, каде ќе судат многу важен натпревар.
Станува збор за дуелот меѓу Порто каде брани македонскиот капитен Никола Митревски и словенечкиот Целје.
Португалскиот првак мора да забележи триумф за да остане во конкуренција за место во осминафиналето за кое се трка со Висла Плоцк, која има два бода повеќе, но и гостување кај ГОГ Гудме.
Натпреварот меѓу Порто и Целје ќе се игра на 28 февруари од 18:45 часот.
ПОВРЗАНИ ВЕСТИ
