Новиот стратег на ПСЖ, Данецот Стефан Мадсен имаше деби со пораз, откако неговиот тим го загуби првиот дуел за трофеј оваа сезона. Во Супер Купот на Франција, ПСЖ беше убедливо поразен од Монпелје со 29-23.
„Светците“ на тој начин и втора година по ред остануваат без трофејот, откако минатото лето загубија од Нант.
Парижаните беа рамноправни само во воведните минути, кога дури имаа и предност од два гола. Но Монпелје брзо ја презема контролата, почна да ја гради предноста и на полувреме замина со плус три, 16-13. Во вториот дел, наместо камбек, ПСЖ целосно падна и на крај мораше да се помири со убедлив пораз.
Најефикасни во победничкиот тим беа Дарио Срна со шест и Давид Балегер со по пет погодоци, а блесна и голманот Болзингер со 13 одбрани. Кај ПСЖ, Камил Сипжак постигна осум, а Омар Јахја четири гола.
