Тимот на Младост Богданци запиша нов триумф во групата Б од Првата лига, откако славеше против Скопје со убедливи 32-21.
Со оваа победа богданчани остануваат на делбата на првото место на табелата со Македонија Ѓорче Петров и имаат по 21 бод.
Домашните во салата „Млаз“ поведоа со 6-0 и беше јасно каков тек ќе има овој натпревар, а на паузата беше 16-10.
Вториот дел беше само формално одработување на задачата и шанса за настап добија сите ракометари.
Најдобри стрелци кај победникот беа Пеев, Цековски и Наумовски со по пет гола, а кај Скопје се истакна Симоновски со четири погодоци.
Во следното коло Младост Богданци гостува кај Вардар Неготино, а Скопје ќе го пречека Партизан Гевгелија.
