Младинците славеа против јужниот сосед на првиот контролен натпревар

Машката младинска репрезентација на Македонија пред настапот на Европското младинско првенство ќе одигра неколку пријателски средби.

Избраниците на Раде Стојановиќ го добија првиот од двата планирани тест-меча со нашиот јужен сосед и покажаа дека се наоѓаат во добра форма.

Нашите ракометари денеска во Верија славеа со четири гола ралзика, 28:24. На полувреме резултатот беше 15:12 во корист за „црвено-жолтите“.

Вториот контролен дуел меѓу младинците на Македонија и Грција ќе се одигра утре со почеток од 11:00 часот на истото место.

Македонија на Европското првенство во Словенија ќе игра во група со Хрватска, Австрија и Црна Гора.