Митревски и Порто ги залечија раните од Веспрем

Португалскиот првак Порто по поразот од Веспрем во Лигата на шампионите, им се врати на победите во домашниот шампионат.

Порто славеше на гостински терен кај Брага со 35-30 во натпревар од осмото коло и остана на второто место.

Митревски бранеше во второто полувреме на овој натпревар и успеа да одбрани шест удари на противниците.

Порто е втор на табелата со 23 бода, еден помалку од лидерот Спортинг Лисабон, кој има 24 на првото место.

Португалскиот првак следната недела му гостува на европскиот првак Магдебург во ЛШ, а во домашното првенство ќе игра против Виторија на 22 октомври.