Македонскиот шампион Еурофарм Пелистер ремизираше против Фредериција, 29:29, во натпревар од 8. коло од Лигата на шампионите.

Избраниците на Алонсо имаа напад за два бода, но гостите се одбранија во финишот од средбата.

Искусниот Илија Аутовиќ ги истакна своите импресии по освоениот бод против данскиот вицепрвак.

,,Знаевме дека ќе биде потешко од првиот натпревар. Фредериција е добра екипа, игра добар ракомет. Сите навивачи очекуваа победа, ама не треба ние да се разочаруваме. Пред три дена почнавме да градиме нешто ново, секој бод е важен во Лига на шампиони. Ние направивме многу со ова реми. Благодарност до публиката, сега ние се насочуваме кон следните натпревари. Веќе в сабота нè чека следниот меч, а потоа доаѓа и Веспрем на гости“, изјави Абутовиќ.

Еурофарм Пелистер во следното коло од европската елита гостува кај европскиот гигант Веспрем.

Еурофарм Пелистер освои нов бод – драмата со Фредериција заврши реми

Алонсо: Кога не ги искористивме шансите за победа, добар е и бодот

Манасков: Не сме среќни, аме сме задоволни со бод

Репрезентацијата на Црна Гора славеше против Словенија со 29:28 во пријателски натпревар како дел од подготовките за настап на ЕП 2024.

Словенија, која е предводена од екс селекторот на Црна Гора, Драган Аџиќ, на полувреме имаше предност од 15:11, а во 43 минута плус седум, 23:16.

Избраничките на Сузана Лазовиќ во последниот период успеаја да направат целосен пресврт, постигнаа дури 13 гола, додека составот на Аџиќ само пет гола.

Најефикасна кај Црна Гора беше Милена Раичевиќ со седум гола, а ја следеше Ивона Павичевиќ со гол помалку – шест.

Двете репрезентации во текот на утрешниот ден ќе одработат заеднички тренинг.

Во рамки од првото коло од Златната лига, Холандија убедливо славеше над Романија со 41:26 (22:14), додека Норвешка, која на ЕП ќе ја брани титулата, одигра реми со Данска, 27:27 (12:15).

Македонскиот шампион Еурофарм Пелистер губи со 16:13 на полувреме од дуелот против Фредериција од 8. коло од Лигата на шампионите.

Данскиот вицепрвак прв го отвори натпреварот во спортската сала „Боро Чурлевски“, а битолчани преку Филип Кузмановски израмнија на 1:1. Следуваше период, во кој Фредериција победуваше, а домашниот тим израмнуваше, така беше до 10 минута.

По нерешените 4:4, тимот од Данска со два гола во низа за првпат успеа да се одлепи на ,,плус два” 6:4. До средината на првото полувреме голманот Никола Митревски беше без интервенција, додека на спротивната страна Торстен имаше две.

Фредериција некако успеаваше да ја сочува предноста, иако ниту тимот од Данска не играше најидеално, по 15 минути успеа да зголеми до дотогаш највисоките плус три, 10:7. Откако Митревски не можеше ништо да одбрани, тренерот Алонсо одлучи да направи замена, па во игра влезе вториот голман Филип Ивиќ, кој имаше само една интервенција за петнаесетина минути.

Во последните десет минути од првото полувреме пелистерци никако не можеа да дојдат до израмнување, не ги искористуваа грешките на ривалот, па така Фредериција константно беше во предност, но без голема комоција во играта, водеше со два до четири гола разлика. Гостите ја сочуваа стекнатата предност и на пауза заминаа со 16:13.

Екипата на ПИК Сегед повторно успеа да го надигра полскиот шампион Келце, сега на гостински терен славеше со 35:31 и со новите два бода го презеде второто место во групата Б.

На првиот натпревар, кој беше одигран во рамки од 7. коло, тимот на ПИК Сегед славеше минимално со 28:27.

Иако домаќинот беше подобар во првиот дел, на пауза замина со 19:17, гостите од Сегед со одличната игра во вториот дел дојдоа до пресврт и два важни бода.

Предводник во победничката екипа беше Марио Шоштариќ со шест гола, а кај поразениот табор се истакна Аркадиуш Морито со седум реализации.

Иако Нант пружи отпор, актуелниот шампион Барселона не дозволи да има изненадување, триумфираше со шест гола разлика, 36:30 (19:14).

Гостите во своите редови имаа неколку расположени ракометари за игра, Жулиен Бос (осум гола), Ајмерик Мин (шест гола) и Николас Турна (четири гола), но тоа не беше доволно за поволен резултат на гостувањето кај актуелниот шампион.

Тимот на Чаир остана единствен женски претставник на Македонија во европските купови, а следен ривал во осминафиналето на Европскиот Куп на избраничките на Басри Љатифи ќе им биде чешкиот тим Славија Прага.

Станува збор за еден од најстарите чешки клубови формиран во 1919 година, кој има вкупно 15 титули. Седум од нив се освоени во поранешната држава Чехословачка, додека осум по осамостојувањето, последната во 2023 година.

Покрај во чешкото првенство, Славија Прага, настапува и во МОЛ регионалната лига, заедно со словачките клубови. Во првиот дел од сезоната се дел само од регионалната конкуренција, а досега на десет одиграни меча билансот на тимот од Прага е седум победи и три порази, што е доволно за четвртото место на табелата. До одигрувањето на натпреварите против Чаир, Славија Прага ќе има уште два меча од МОЛ лигата против Јувента Михаловце и Злин.

Во актуелниот ростер на Славија Прага има само две интернационалки, нашата Ангела Јанкуловска и Црногорката Александра Базовиќ, додека сите останати се домашни ракометарки. Две од нив – средниот бек Јулија Франкова и левиот бек Симона Шреибмериова, се репрезентативки на Чешка и ќе играат на Европското првенство.

Станува збор за клуб што игра во европските купови по 19 пат, а четири пати во минатото беше дел од квалификациите за Лигата на шампионите, но секогаш беше елиминиран уште на првата пречка. Играше и во некогашниот Челинџ Куп, потоа во Купот на победнициите на Куповите, како и ЕХФ Купо, а континуирано во Европа игра од сезоната 2016/17.

Најдалеку дотурка во ЕХФ Купот во сезоната 2000/01, кога играше во полуфиналето, но беше елиминирана од Подравка. Ова нема да биде прв двобој со екипа од Македонија за Славија Прага, откако во ЕХФ Купот во сезоната 2019/20, го елиминира Куманово на два меча во Македонија, со победа од 31-24 и со пораз 27-23.

Оваа сезона Славија Прага го елиминира словенечкиот Млинотест Ајдовшчина со две победи, 34-30 и 29-26, додека во третото коло беше подобра од италијанскиот Салерно со победа од 32-20, и пораз на вториот меч со 32-29.

Чаир и стручниот штаб на тимот најголемо внимание треба да обрнат на триото – бековите Симона Шреибмеирова и Вероника Холечкова, како и крилото Адријана Мишова. Шреибмеирова има досега постигнато 38 гола на четири меча и е убедливо најдобар стрелец во тимот, додека Холечкова и Мишова постигнаа по 19 погодоци. Интересно е што и двете голманки – Базовиќ и Мала постигнуваа погодоци на четири досегашни дуели во Европа.

Станува збор за неатрактивен, а незгоден ривал, па на Чаир сигурно нема да му биде лесно, но и чешкиот ривал сигурно не е задоволен од тоа што ќе мора да гостува во Скопје. Шансите се еднакви за двете екипи, Чаир докажа дека може да игра против европските екипи и сигурно ќе атакува на надминување на историскиот клупски успех – а тоа би било пласман во четвртфиналето.

Првиот натпревар треба да се игра на 11/12 јануари во Прага, додека реваншот во Скопје на 18/19 јануари.