Тимот на Холабрун, каде што е тренер е Влатко Митков, а таму играат Филип Арсеновски и Хари Павлов, забележа нова победа во Втората лига на Австрија.
Холабрун славеше против Кремс 2 на гостински терен со 28-27, откако и на полувремето водеше со гол разлика, 15-14.
Голем придонес во победата имаа и десниот бек Павлов, кој даде шест гола, како и кружниот напаѓач Арсеновски кој стрелаше три пати.
Момците на Митков го завршија првиот круг без ниту еден загубен бод, а веќе в сабота ќе се соочат дома со Корнебург.
Холабрун е прв на табелата со 18 бодови и девет победи на девет меча, додека втор е Фиверс Маргаретен 2 со 14 бодови.
ПОВРЗАНИ ВЕСТИ
