Гордана Ѓорѓеска стана првата дама од Македонија што доби сертификат да биде делегат на натпревари во ракомет со инвалидски колички.
Гостиварката успешно го мина полагањето и веќе може да биде делегирана на следните големи натпреварувања.
Таа минатата година доби и ЕХФ значка за делегат на натпреварите од ракомет на плажа и веќе беше дел од кадетското ЕП во Турција ова лето.
Ракометот во инвалидски колички од 2028 година ќе биде олимписки спорт и ќе биде дел од Летните Параолимписки игри во Лос Анџелес.
Екипите во овој спорт имаат по шест играчи, се игра во микс, односно заедно играат и мажи и жени, едно полувреме трае 20 минути со 10 минути пауза, а голот е понизок за 30 цм.
Актуелен европски и светски првак во оваа конкуренција на последното големо натпреварување кое беше и ЕП и СП во едно, е селекцијата на Португалија.
ПОВРЗАНИ ВЕСТИ
