Екипата на Веспрем вторпат беше подобра од полскиот шампион Висла Плоцк, откако на свој терен триумфираше со 30:26 во натпревар од 8. коло од Лигата на шампионите.

Гостите од Плоцк беа рамноправни само во воведниот дел, парираа до 5 минута, а се останато мина во знакот на домашниот табор.

Веспрем на полувреме замина со предност од 17:13 и продолжи во ист стил во вторите 30 минути, во кои избраниците на Сабате во ниту еден момент не успеаја резултатски да се доближат.

Најефикасни во редовите на победничката екипа беа Арон Палмарсон и Недим Ремили, двајцата постигнаа по шест гола. Кај Висла Плоцк се истакна средниот бек Миха Зарабец, кој имаше седум успешни реализации.

Фуксе Берлин одигра моќно пред своите фанови против Динамо Букурешт, оствари убедлива победа од 38:29.

Бундеслигашот, кој во Романија беше поразен со 38:31, покажа дека во минатото коло имал само лош ден, па така денешната победа си ја обезбеди уште во првото полувреме.

Домашниот тим на пауза имаше висока предност од 22:14, a во вториот дел немаше поголема промена на теренот.

Данецот Матијас Гидсел беше најефикасен кај победничката екипа, постигна седум гола, а кај Динамо Букурешт се истакна Бранко Вујовиќ со шест гола.

Најдобриот стрелец од Светското младинско првенство во Македонија, Јелена Вукчевиќ, која е еден од најголемите таленти во светот, би требало да добие голема минутажа на претстојното Европско првенство, кое ќе започне за десет дена.

Една од поискусните репрезентативки на Црна Гора, Јелена Радивојевиќ, нема да настапи на континенталниот собир од приватни причини, па така селекторот Лазовиќ на десната бековска позиција ќе ги има на располагање Ѓурѓина Маловиќ, Катарина Џаферовиќ, Тања Ивановиќ и Јелена Вукчевиќ.

Токму 19-годишната Вукчевиќ игра во одлична форма во Лигата на шампионите, во досегашниот тек од сезоната има постигнато 42 гола и многу веројатно е дека ќе добие поголема предност пред останатите три десни бека.

Талентираната ракометарка на Светското младинско првенство во Македонија го понесе епитетот најдобар стрелец, откако младинскиот Мундијал го заврши со 74 гола.

Црна Гора во групната фаза на ЕП за ривали ги има репрезентациите на Србија, Романија и Чешка. Најдобрите две репрезентации од секоја група ќе обезбедат пласман во главната фаза.

Во Србија се уште не се смирени страстите откако беше објавено дека Раул Гонзалес ќе биде нов селектор на местото на Борис Ројевиќ.

Начинот на кој се уште актуелниот селектор и јавноста дозна за ангажманот на шпанскиот стратег и екс селектор на Македонија, не му донесе ништо добро на националниот тим на Србија.

Ројевиќ во интервју за „Моцарт Спорт“ откри дека дознал од медиумите за смената.

„Дека сум сменет дознав од медиумите. Никој не ми се јави да ми соопшти. Кога го побарав генералниот секретар на РСС, го прашав за што се работи. Тој ми кажа дека немам поддршка од сојузот и дека нема повеќе да бидам селектор“, вели Ројевиќ.

Од РСС тврдат дека неговиот договор бил „штетен“ по сојузот.

„Мојот е штетен, а зошто не објават колку ќе заработува Раул. Тврдам дека сум еден од најслабо платените селектори во Европа, и дека мојот наследник ќе заработува три до четири пати повеќе. Чекам да ми предложат раскин на договорот, но до денеска никој тоа не го направи. Да е ситуацијата поинаква, сам би се повлекол. Со промената на луѓето во сојузот започна психичката тортура која траеше со месеци со поддршка на еден дневен весник. Бев избор на претходното раководство“, заврши Ројевиќ.

Раул ќе седне на клупата на Србија од 1 јули 2025, а дотогаш веројатно машката репрезентација која нема да игра на СП 2025 и ја чекаат уште четири меча од квалификациите за ЕП 2026 ќе има в.д. селектор.

По натпреварот со исландскиот Валур во Лигата на Европа, екипата на Вардар ќе им се врати на домашните обврски.

Следен предизвик за „црвено-црните“ и новиот стратег Гиљермо Милано ќе биде суперлигашкиот дуел против лидерот на табелата од Автокоманда.

Овој натпревар од 12 коло во Супер лигата е закажан за 24 ноември во СЦ „Јане Сандански“ со почеток во 19:00 часот.

На првата средба, „сино-белите“ од Автокоманда триумфираа со 33-30, па „црвено-црните“ сега ќе имаат шанса за реванш.

Вардар и Милано имаат проблеми со повредени ракометари, а дел од нив би требало да бидат подготвени за овој дуел.

Судии на овој дуел ќе бидат Сашо Кркачев и Ѓоко Колевски, додека делегати ќе бидат Драган Начевски и Душко Камишевски.

По 12 години поминати во Кил, на легендарниот германски кружен напаѓач Патрик Винцек, најверојатно нема да му биде продолжен договорот.

Според „Билд“, раководството на Кил се одлучи да ја продолжи соработката со Хендрик Пекелер, а доаѓа и Верон Начиновиќ од Монпелје, тука е Питер Оверби, па нема

Винцек потекнува од Дуисбург, играше за Тусем Есен, Гумерсбах, Бергишер и Диселдорф, а од 2012 година го носи дресот на „зебрите“.

За „Килер Нахрихтен“, спортскиот директор на Кил, Виктор Силаѓ, изјави дека засега никакво решение не е донесено и дека Винцек треба да одбере дали сака да продолжи со активно играње или да работи надвор од теренот, но допрва ќе биде познато за каков пат ќе се одлучи искусниот пивот.