Словенечкиот Целје објави дека билетите за македонските навивачи за полуфиналето од ЕХФ Европскиот Куп против Охрид се веќе продадени.
Според капацитетот на „Арена Златорог“, кој е 5.191 гледач, на Охрид му следуваат 519 билети за средба од ЕХФ Европскиот Куп.
Но според нашите информации, бројката на навивачи што ќе го поддржуваат македонскиот претставник ќе биде поголема.
Поддршка од најмалку 800 навивачи ќе имаат „гладијаторите“, кои треба да им бидат ветар во грб да остварат што подобар резултат во Целје пред реваншот.
Првиот меч од полуфиналето меѓу Целје и Охрид се игра на 25 април од 19:00 часот, додека реваншот е на 2 мај од 19:00 часот.
