Ракометарите на Охрид се пласираа во финалето на меморијалниот турнир „Вук Рогановиќ“ што се игра во Белград.
Избраниците на Борис Ројевиќ го совладаа незгодниот српски тим Динамо Панчево со 27-20 откако и на паузата водеа со 14-11.
Во вториот дел ривалите се доближија во неколку наврати на минус два, но на голот Пилиповиќ одбрани неколку важни удари, Охрид отиде на шест гола залиха на пет минути до крајот и немаше дилеми околу победникот.
Во второто полуфинале ќе играат српскиот првак Партизан и словенечкиот Тримо Требње, па победникот ќе му биде ривал на Охрид во утрешното финале од 17:00 часот.
