Легендарната Романка Луминица Дину, која имаше значајна улога во освојувањето на европскиот трофеј на Кометал Ѓорче Петров, стана дел од стручниот штаб на Валчеа.
Таа се врати во матичниот клуб и ќе ги тренира голманите и ќе биде дел од стручниот штаб.
Освен со Кометал Ѓорче Петров, Луминица Дину освојуваше титули во Лигата на шампионите и со словенечкиот Крим.
„За мене враќањето во Валчеа е предизвик, но во исто време и среќа. Се согласив да се вратам и да им помогнам на голманите во екипата. Во Валчеа има три одлични голманки, но сите имаат различен стил, а јас ќе се обидам да го поделам со нив своето искуство“, изјави Дину.
Договорот со Дину е потпишан до 2025 година, а претходно таа работеше во младинската женска репрезентација на Романија.
ПОВРЗАНИ ВЕСТИ
