Репрезентацијата на Словенија со победа го започна настапот во главната фаза на Светското првенство 2025 во Данска, Норвешка и Хрватска.
Избраниците на Урош Зорман за ривал ја имаа Аргентина и без многу проблеми дојдоа до висок триумф од 34:23.
Сепак, Словенија не може да биде радосна за победата, на стартот на натпреварот, односно во 7-та минута се повреди искусниот Нејц Цехте.
Членот на македонскиот шампион при еден обид да погоди, доби удар во пределот на ребрата, потоа следуваше пауза од околу десет минути и мораше да биде изнесен од теренот со носилки.
Според објавата на Словенечкиот ракометен сојуз, десниот бек има две скршени ребра. Цехте ноќва ќе ја помине во болница каде ќе му бидат извршени и дополнителни тестови.
Нејасно е колку долго ќе отсуствува од теренот и дали воопшто ќе може да се врати во тековната сезона.
