Женската репрезентација на Србија за време на ЕХФ неделата на двапати ќе тестира против Македонија.
Србија токму на пријателските натпревари со нашата репрезентација ќе ги има на располагање повратничките – Андреа Лекиќ, Драгана Цвијиќ, Катарина Крпеж и Катарина Томашевиќ.
Четирите ракометарки одлучија да направат кам-бек во репрезентативниот дрес и да им помогнат на своите помлади колешки во бараж дуелот со Словенија за пласман на СП 2026.
Двете екс членки на Вардар, Андреа Лекиќ и Драгана Цвијиќ, пред неколку дена заедно со Ференцварош го освоија унгарскиот Куп трофеј и се наоѓаат во одлична форма.
Катарина Крпеж, која дел од својата кариера ја мина во редовите на Металург, како и искусната голманка Томашевиќ, сигурно со своето големо искуство ќе бидат од голема помош.
Првиот контролен натпревар меѓу Србија и Македонија е закажан за 7 март, додека вториот на 8 март, и двата ќе бидат одиграни во Бор.
