Веднаш по ремито со Дунареа Браила, богатиот проект на Рапид Букурешт преку социјалните мрежи информираше за прекин на соработката со две искусни ракометарки.

Станува збор за репрезентативката на Шпанија, Марта Лопез и Црногорката Милена Раичевиќ, кои за овој дел од сезоната не ги исполнија очекувањата на раководството на клубот од романската престолнина.

Лопез во Рапид Букурешт пристигна во сезона 2021/22 од Валчеа, додека Раичевиќ, по случувањата во Будуќност, кон крајот на 2023 се пресели во амбициозниот романски тим.

Сепак, романскиот вицепрвак не игра според планираното ниту на домашна, ниту на европска сцена. Во Лигата на шампионите на седум натпревари оствари само една победи и едно реми.

Што се однесува на домашна сцена, клубот, во кој настапува и македонската репрезентативка Сара Ристовска, има биланс од шест победи, едно реми и три порази.

По четири години минати како тренер на голманите во младите категории во репрезентацијата на Катар, Петар Мисовски поранешниот репрезентативен голман на Македонија ќе остане во Доха, но ќе има нов предизвик – ќе биде дел од стручниот штаб на Духаил, еден од најдобрите екипи во таа земја.

Актуелниот освојувач на Купот на Емирот во Катар и тим кој последните девет години постојано освојува трофеи во Катар, го побара Мисовски да биде дел од нивниот стручен штаб и да биде задолжен за формата на голманите во сениорката екипа.

Поранешниот репрезентативец на Македонија кој зад себе има и интернационална кариера пред да замине во Катар во 2021 година, работеше во Металург исто така тренер на голманите, и заедно со Лино Червар кога Металург играше во ЛШ и СЕХА лигата. Работата и резултатите му донесоа бројни препораки, па така и најдобриот катарски тим му понуди да биде дел од нивниот стручен штаб.

Духаил е речиси „тим-репрезентација“ и во него има 12 репрезентативци на Катар кои во јануари ќе играат на СП во Пореч, Хрватска. Во тимот главни ѕвезди се Капоте, Мададаи и Токуда, а Духаил го брани освоениот Куп на Емирот, најценетиот трофеј во Катар. Тренер на екипата е Горан Ѓокиќ.

Тимот ќе настапи на Азиското клупско првенство кое следниве десетина дена ќе се игра во Доха, како претставник на Катар, заедно со тимот на Ал Рајан. На 17. азиско клупско првенство ќе играат вкупно 10 екипи, од Катар, Ирак, Кувајт, ОАЕ, Саудиска Арабја, Оман, Бахреин и Иран.

Мисовски во својата играчка кариера има настапувано за екипите на Пелистер, Пролет, Вардар, Металург, а има играно и во Данска, Шведска, Норвешка, Хрватска, Турција и Словенија. Како играч има освоено 5 првенства и Куп трофеи во Македонија, и плус 1 Куп со Металург како тренер во 2019 година, победувајќи го Вардар во финалето.

Лавина реакции покрена натпреварот од Купот на Македонија меѓу Скопје и Гевгелија, кој се одигра во саботата, како дел од групната фаза. Гевгеличанки „славеа“ со 17-16, откако во последните пет минути двете екипи си постигнуваа автоголови и не сакаат да победат и да одат понатаму.

Епилог од сето тоа е исклучување на двете екипи од системот на натпреварување во РФМ, како сениорските, така и младинските екипи во сите категории на Скопје и Гевгелија, како и суспензија од две години за Валентина Радуловиќ, претседателката на Скопје, која беше на клупата, потоа за Веселинка Треноска, која исто така седеше на клупата на Скопје и претседателката на Гевгелија, Јулија Беќарова.

Поранешната македонска репрезентативка Валентина Радуловиќ, во изјава за 24Ракомет, потврди дека ја добила казната од РФМ, но дека во ниту еден момент не влијаела на односот на ракометарките на теренот.

„Ја добив одлуката на РФМ за казната. Можам само да кажам дека на тој меч седев на клупата и бев официјално лице, но во ниту еден момент не побарав, ниту влијаев на ракометарките да играат или се однесуваат онака на теренот како што тие играа“, вели Радуловиќ.

Легендарното некогашно крило на Кометал ЃП, Шлагелсе и Хипо, вели дека клубот ја известил РФМ дека Скопје не сака доброволно да игра во Купот на Македонија.

„Чудно е што РФМ ги закажа сега овие натпревари од Купот, наместо традиционално на пролет. Тие беа известени дека ние не сакаме доброволно да играме во Купот бидејќи сме нов клуб, и немаме спонзори, а немаме ниту помош од државата како другите клубови“, заврши Радуловиќ.

Гевгелија по „победата“ над Скопје требаше да се „бори“ со Ѓорче Петров за место на Ф4, но по нивното исклучување, бранителот на Куп трофејот, со службена победа се пласираше меѓу најдобрите четири на завршниот турнир што ќе се игра во мај 2025.

Се огласија и од Министерството за спорт: Поништени решенијата за дејност на Скопје и Гевгелија!

Две години суспензии за Радуловиќ, Треноска и Беќарова, казна и за делегатот на скандалозниот натпревар!

Репрезентативката на Македонија, Сара Ристовска, имаше одлична партија во најквалитетното натпреварување во Романија.

Рапид Букурешт и Ристовска се изборија за голем бод, откако одиграа реми со Дунареа Браила, 35:35, во натпревар од 10. коло од романскиот шампионат.

Ристовска беше меѓу најзаслужните за ремито на клубот од Букурешт, натпреварот го заврши со пет гола од шест обиди, а имаше најдобар индекс на корисност во двата тима, 6,5.

Тимот на Ристовска, моментално, се наоѓа на 6. позиција на табелата, на свое конто има 19 бода, но до крајот од сезона има уште многу да се игра.

Следен предизвик за Рапид Букурешт ќе биде натпреварот со европскиот гигант Ѓер во 8. коло од Лигата на шампионите.

Македонскиот шампион Ѓорче Петров во пријателски натпревар ја совлада репрезентацијата на Кина со 34-31.

Азиската селекција се наоѓа на подготовки во Македонија за настапот на континенталното првенство кое ќе се одржи во Индија.

Кина диктираше темпо и најчесто имаше водство во првиот дел од натпреварот, со по еден или два разлика, а на пауза водеше со 16-15.

Во второто полувреме избраничките на Симе Симовски, го свртеа резултатот, имаа контрола на теренот, водеа и со пет гола, па рутински доиграа до крајот.

Најдобри поединци во македонскиот првак беа Ивана Дежиќ со 14 погодоци и Ана Марија Коларовска со шест гола.