Десното крило на Веспрем и француската репрезентација, Јанис Лене, најверојатно ќе го пропушти Европското првенство во Данска, Шведска и Норвешка.
Лене има повреда на коленото што ја заработи на дуелот против Спортинг Лисабон во Лигата на шампионите.
Клупските доктори го советуваат да паузира и да не игра на ЕП, односно препорачуваат мирување од неколку недели, додека оние доктори на националниот тим тврдат обратно – дека Лене ќе биде подготвен за настап.
Како ќе се заврши оваа ситуација, останува да се види на почетокот на подготовките на Франција на 1 јануари.
Селекторот на Франција, Гијом Жил, на списокот на десната крилна позиција ги има Беноа Конку од полскиот Келце, кој исто така е повреден, како и Бенјамин Рише.
Французите ќе играат во група со Норвешка, Украина и Чешка.
