Тимот на Ваљадолид, каде што игра македонскиот интернационалец Мартин Карапалевски, со победи ја заврши 2025 година.
Ваљадолид славеше на гостински терен кај Нава со 30-29, а македонскиот среден бек имаше значајна улога.
Карапалевски даде три гола од три обиди во мрежата на домашните, а најдобар беше уште еден екс вардарец, Жозе Толедо, со седум гола.
Ваљадолид и Карапалевски сега имаат 20 бода, а тоа е доволно за четвртото место. Лидер е Барса со 30 бодови, а на делба на втората позиција се Ла Риоха и Бидасоа со по 21 бод.
