На мечот од регионалниот турнир во Скопје на средбата меѓу Еурофарм Пелистер – Вардар на трибините позади имаше најмногу мешаница, деца и посетители. Причината беше Игор Карачиќ поранешниот играч на Вардар кој го следеше натпреварот. Хрватскиот интернационалец го искористи својот престој во Македонија да го гледа и овој меч.
Тој сега е член на Загреб, и на 10 септември ќе треба да гостува во Битола во рамките од првото коло од групната фаза на Лигата на шампионите. Битолчани на турнирот во Охрид и сега во Скопје настапуваат со комбиниран тим и без некои ракометари. Недостасуваат двата голмани, а во Охрид играа и без Филип Кузмановски. Ќе понесе со себе Карачиќ сигурно доста информации за играта на битолчани, што ќе ја пренесе на своите сегашни соиграчи.
Карачиќ на трибините во Скопје седеше во друштво со своите поранешни колеги од Вардар со кои ја делеше соблекувалната, Вуко Борозан, Стојанче Стоилов, но и со новите „вардарци“ кои не беа дел од овој меч: Милан Лазаревски,Николас Боно, Јак Малус.
