Четирите екипи што беа домаќини на групната фаза од Купот на Македонија обезбедија место на завршниот турнир во ова натпреварување.
Без поголеми проблеми, Вардар, Еурофарм Пелистер, Охрид и „сино-белиот“ тим од Автокоманда, се изборија за ново учество на Ф4 и нова шанса за трофеј.
Вардар е актуелниот бранител на Куп трофејот, а истите екипи што лани играа, ќе играат и оваа година и ќе влезат со амбиции за да го освојат.
На патот кон Ф4, Вардар ги совлада Бутел Скопје и Еурофарм Пелистер 2, битолчани беа подобри од Струга и Прилеп, Охрид славеше против Тиквеш и Куманово, додека тимот од Автокоманда не дозволи изненадувања на дуелите со Радовиш и Пролет.
Освен Охрид, другите три екипи досега го освојуваа трофејот – Вардар е најтрофеен со 17 досега, Еурофарм Пелистер има пет, додека тимот на Кирил Лазаров има еден.
Завршниот турнир во Купот на Македонија ќе се одржи меѓу 17 и 19 април.
