Најефикасен меч во 5. коло од машката кадетска лига беше одигран во Богданци, каде домашниот тим постигна 35 гола, но сепак победија гостите од Скопје, екипата на Илиден Вардар чии ракометари дадоа 44 гола. За Илиден Вардар ова беше втор триумф сезонава и сега е на делба на четвртото место на табелата во А групата со 4 бода, исто колку што имаат и екипите на Овче Поле и на Младост.
Во Богданци беше израмнето првото полувреме во кое гостите дадоа 22, а домашните 21 гол. Потоа з а минути во вториот дел Илинден Вардар веќе имаше предност од 28-24, а во 47 минута предноста за гостите беше 36-26 како најава за триумф на тимот предводен од Дарко Јанев. До крајот немаше дилеми, римат што го наметаа гостите не можеше да го следи домашниот тим, и на крај имаше и убедлив триумф од 44-35.
Дамјан Ивановски и Никола Павловски постигнаа по 12 гола за Илинден Вардар, а кај домаќините осум гола даде Методи Младеновски.
Само три екипи имаат максимален учинок по пет одиграни кола. Мулти Есенс и Вардар во група А и Пролет во група Б.
Тимот на Вардар за 12 минути направи предност од 7-2 против Овче Пола, и тоа беше клучен период од мечот. На полувреме предноста беше 19-11 за „црвено-црните“, а во вториот највисоката предност беше „плус 14“ за Вардар. Кај домашните Филип Велковски даде 6 гола, а Давор Мечкароски пет. Кај гостите Теофил Јанев постигна девет гола.
Прилеп е единствен со пет победи во Б групата, и сега на гостувањето во Охрид, скопјани триумфираа со 40-28. Залудно го имаа домаќините Тане Јанчески кој даде 19 гола, бидејќи самиот не можеше против Пролет. Кај гостите Лука Јовиќ даде 9 гола, а Димитар Симовски 7 гола.
Двоцифрен број голови, по 12 дадоа и Војо Клењоски и Михаил Арсиќ, на средбата Струга – Алкалоид, што ја добија стружани со 28-26.
Македонија ЃП се врати од негативата 31-33 на две минути до крај, и успеа да освои бод на домашен терен со Преспа, играјќи нерешено 33-33. Горјан Трајковски со три гола и Павел Монев беа „џокерите“ со кои домашните направија пресврт, заедно со Никола Кузевски кој даде 12 гола за Македонија ЃП. Кај гостите Благоја Јончевски даде 9 гола за Преспа.
Кадетска машка лига, 5. коло
РЕЗУЛТАТИ
Група А
Tекстилец – Мулти Есенс 20-44
Еурофарм Пелистер 2 – Радовиш 32-19
Вардар – Овче Поле 35-24
Младост – Илинден Вардар 35-44
ТАБЕЛА: Мулти Есенс и Вардар по 10 бода, Еурофарм Плеистер 2 – 8 бода, Илинден Вардар, Овче Поле и Младост сите по 4 бода, Текстилец и Радовиш без бодови.
СЛЕДНО КОЛО: Радовиш – Илинден Вардар, Овче Поле – Младост, Мулти Есенс – Вардар, Еурофарм Пелистер 2 – Текстилец
Група Б
Прилеп – Еурофарм Пелистер 28-38
Македонија ЃП – Преспа 33-33
Струга – Алкалоид 28-26
Охрид – Пролет 28-40
ТАБЕЛА: Пролет 10 бода, Еурофарм Пелистер 8, Прилеп 6, Македонија ЃП 5, Алкалоид и Охрид по 4, Струга 2, Преспа 1 бод.
СЛЕДНО КОЛО: Пролет – Алкалоид, Преспа – Струга, Еурофарм Пелистер – Македонија ЃП, Охрид – Прилеп
