Изминативе денови се комплетираше 4. коло од кадетската лига во машка конкуренција.
Во група А, лидерот Охрид продолжува со победите, откако овој пат славеше против Скопје со 39-27. Најефикасен кај Охрид беше Дамјан Недески со 12 гола, додека кај Скопје најефикасни беа Владо Ристески и Александар Антиќ со по седум гола.
Струга со победа се враќа од гостувањето кај Прилеп (38-25). Најдобар стрелец кај Струга беше Јосиф Гускароски со девет гола, додека кај Прилеп најдобар стрелец беше Павел Лажоски со десет гола.
Висок триумф за Еурофарм Пелистер против Кузман Вардар со резултат 43-18. Предводник кај Еурофарм Пелистер беше Андреј Георгиев со 10 гола, додека кај Кузман Вардар предводник беше Марио Петровски со 11 гола.
Во група Б, Тиквеш во тежок натпревар успеа да го совлада Вардар со 37-35. Најефикасен во Тиквеш беше Мики Лазов со 17 погодоци, додека кај Вардар најефикасен беше Огнен Тасевски со 12 погодоци.
Еурофарм Пелистер 2 победнички против Мулти Есенс со 23-21. Најефикасен кај Еурофарм Пелистер 2 беше Томче Пецаковски со седум гола, додека кај Мулти Есенс најефикасен беше Давид Јаневски исто така со седум гола.
Младост Богданци триумфално против Вардар Неготино со конечни 29-26. Најефикасни кај Младост Богданци со по девет гола беа Ѓорѓе Атанасов и Јован Каровски, додека кај Вардар Неготино најефикасен беше Лазар Кузев исто така со девет гола.
Во група В, Алкалоид стигна до бодови на жешкиот терен во Велес, кај екипата на Бисинов, откако славеше со минимални 22-21. Најефикасен во редовите на Алкалоид беше Теодор Пецаноски со пет гола, додека кај Бисинов најефикасни беа Панче Ристевски и Мартин Иванов со по шест гола.
Куманово ги освои бодовите против Македонија Ѓорче Петров, откако беше подобар тим со резултат 35-26. Најефикасни кај Куманово беа Јован Насевски со осум гола и Тино Стојановски со седум гола, додека кај Македонија Ѓорче Петров најефикасен беше Кристијан Ѓеровски со 10 гола.
Кадети, 4. коло, резултати:
Група А
Прилеп – Струга 25-38
Кузман Вардар – Еурофарм Пелистер 18-43
Охрид – Скопје 39-27
Преспа Вардар слоб.
Група Б
Тиквеш – Вардар 37-35
Еурофарм Пелистер 2 – Мулти Есенс 23-21
Младост Богданци – Вардар Неготино 29-26
Партизан Гевгелија – Голден Арт 20-36
Група В, 5 коло
Бисинов – Алкалоид 21-22
Куманово – Македонија Ѓорче Петров 35-26
Борец – Бутел Скопје 21-38
Аеродром слоб.
Астраион слоб.
ПОВРЗАНИ ВЕСТИ
