Ракометарите на Јехона ја остварија втората победа во вториот меч од новата сезона во прволигашката конкуренција.
Гостиварчани на домашен терен го совладаа составот на Партизан Гевгелија со убедливи 36-26.
Иако гевгеличани имаа реми на паузата, 17-17, а во првото полувреме и водеа во повеќе наврати, дозволија домашните да доминираат во вториот дел.
За десетина минути во второто полувреме Јехона даде четири гола по ред преку Давидоски, Тасески и Груевски за 21-17 и до крајот само ја згоелемуваше разликата.
Во следното коло Јехона ќе оди на гостување кај Вардар Неготино, додека Партизан Гевгелија ќе го пречека Текстилец.
