Македонската репрезентативка Ивана Гакидова ќе има нов предизвик во кариерата наредната сезона и ќе игра во Полска.
Таа потпиша договор со полскиот тим Кобержице, каде друштво ќе и прави уште една Македонка – Зорица Десподовска.
Гакидова минатата сезона ја мина во романската Слатина, а од септември исто така ќе биде дел од силен шампионат и ќе игра и на европска сцена.
Македонската репрезентативка ја започна кариерата во школата на Кастратовиќ, а на домашна сцена ги носеше дресовите на Металург и Вардар.
На меѓународна сцена настапуваше за турската Анталија, норвешкиот Молден, француските Стразбург и Стела Сен Маур, чешкиот Бањик Мост и српската Наиса Ниш.
