Селекторот на машката сениорска репрезентација на Исланд, Снори Гудјонсон, го објави списокот на ракометари за настап на Светското првенство 2025.
На списокот кај Гудјонсон партиципираат 18 ракометари, а голем удар за островската земја ќе биде отсуството на Омар Магнусон, кој поради повреда нема да може да им помогне на своите репрезентативни колеги.
Исландскиот стратег ќе може да смета на искусните Арон Палмарсон, Бјорвинг Густавсон, Вико Кристијансон, Бјарки Мар Елисон, Јанус Смарасон…
Репрезентативниот собир на Исланд е закажан за 2 јануари, потоа избраниците на Гудјонсон на двапати ќе тестираат со Шведска.
Исланд на Светското првенство во групната фаза за ривали ги има репрезентациите на Куба, Словенија и Зеленортските Острови.
