Традицијата продолжува и екипата на 24Ракомет и годинава ви овозможува во секое коло од разигрувањето за титула и за опстанок да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло од плеј-оф и плеј-аут ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 7 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има по двајца ракометари од Вардар и Еурофарм Пелистер, како и по еден од „сино-белите“ од Автокоманда, Пролет и Куманово.
За МВП на колото ќе можете да гласате до недела до 12 часот.
Супер лига, 7. коло, резултати:
Плеј-оф
ЕУРОФАРМ ПЕЛИСТЕР – ОХРИД 34-30 (ИЗВЕШТАЈ)
ТИКВЕШ – АЛКАЛОИД 24-27 (ИЗВЕШТАЈ)
ВАРДАР – БУТЕЛ СКОПЈЕ 37-30 (ИЗВЕШТАЈ)
Плеј-аут
КУМАНОВО – СТРУГА 30-21 (ИЗВЕШТАЈ)
ПРОЛЕТ – ПРИЛЕП 23-21 (ИЗВЕШТАЈ)
ИДЕАЛЕН ТИМ НА 7. КОЛО ОД СУПЕРЛИГАШКИОТ ПЛЕЈ-ОФ/АУТ
Голман: Филип Ивиќ (Еурофарм Пелистер) – Чуварот на мрежата бранеше одлично во клучните моменти на дуелот против Охрид.
Лево крило: Хансер Родригез (Вардар) – Кубанскиот репрезентативец даде четири гола против Бутел Скопје.
Лев бек: Филип Кузмановски (Еурофарм Пелистер) – Македонскиот репрезентативец беше лидерот на вредниот триумф против Охрид.
Среден бек: Ласко Андоновски (Пролет) – Плејмејкерот беше меѓу најдобрите поединци во победата над Прилеп.
Десен бек: Гиљерме Да Силва Фернандеш (Куманово) – Бразилецот беше меѓу најдобрите во триумфот против Струга.
Десно крило: Александар Петковски (Алкалоид) – Десното крило имаше добра партија против Тиквеш во Кавадарци.
Пивот: Милан Лазаревски (Вардар) – Кружниот напаѓач ги водеше „црвено-црните“ до триумф над Бутел Скопје.
