Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 13 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Тиквеш и по еден ракометар од Вардар, Еурофарм Пелистер, Прилеп, Охрид и „сино-белиот“ тим од Автокоманда.
За МВП на колото ќе можете да гласате до недела до 12 часот.
Супер лига, 13. коло, резултати:
ПРИЛЕП – КУМАНОВО 32-31 (ИЗВЕШТАЈ)
БУТЕЛ СКОПЈЕ – ОХРИД 28-33 (ИЗВЕШТАЈ)
БИСИНОВ ФЛ – ВАРДАР 29-41 (ИЗВЕШТАЈ)
СТРУГА – ЕУРОФАРМ ПЕЛИСТЕР 25-43 (ИЗВЕШТАЈ)
ТИКВЕШ – ПРОЛЕТ 23-19 (ИЗВЕШТАЈ)
РАДОВИШ – АЛКАЛОИД 21-46 (ИЗВЕШТАЈ)
ИДЕАЛЕН ТИМ НА 13. КОЛО ОД СУПЕРЛИГА
Голман: Игор Арсиќ (Тиквеш) – Искусниот чувар на мрежата беше меѓу најзаслужните за триумфот над Пролет.
Лево крило: Гоце Ојлески (Охрид) – Искусното лево крило одигра одлично на гостувањето кај Бутел Скопје.
Лев бек: Никола Цветаноски (Прилеп) – Стружанецот беше најдобар стрелец на натпреварот против Куманово.
Среден бек: Игор Кривокапиќ (Тиквеш) – Црногорскиот бек имаше одлична партија против Пролет.
Десен бек: Нејц Цехте (Еурофарм Пелистер) – Словенечкиот репрезентативец постигна осум погодоци против Струга.
Десно крило: Александар Петковски (Алкалоид) – Македонскиот репрезентативец се покажа во одлично светло на мечот со радовишани.
Пивот: Ларс Коиј (Вардар) – Кружниот напаѓач од Холандија беше нерешлива загатка за одбраната на Бисинов ФЛ.
