Одлуките на Дисциплинската комисија на Ракометната федерација на Македонија по скандалозниот натпревар меѓу Скопје и Гевгелија од Купот на Македонија, денеска беа потврдени во билтенот на РФМ.

Како што прв објави 24Ракомет, Скопје и Гевгелија се исклучени од Женската лига до крајот на сезоната, како сениорските, така и сите нивни младински екипи.

Одговорните лица на двата клуба – Валентина Радуловиќ, Веселинка Треноска и Јулија Беќарова се казнети со двегодишни суспензии.

Делегатот на овој натпревар, Митко Ѓорѓиевски, исто така доби казна од шест месеци, поради пропусти при составувањето на записникот.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Селекторот на Германија, Маркуш Гаугиш, го објави списокот на ракометарки за претстојното Европскот првенство 2024.

На списокот кај Гаугиш партиципираат 19 ракометарки, а пет од нив се интернационалки – Катарина Филтер, Јулија Мајдхоф, Алина Гријселс, Аника Лот и Емили Белк.

Сите интернационалки со себе носат големо искуство, бидејќи настапуваат со силни тимови, но и ракометарките од Бундес лигата со себе носат искуство.

Германија за ривали во групната фаза на Европското првенство ги има репрезентациите на Украина, Исланд и Холандија.

Најдобрите две репрезентации од секоја група ќе продолжат во главната фаза на континенталниот собир во Унгарија, Швајцарија и Австрија.

Голема фама се крена во хрватската јавност по објавувањето на скратениот список на ракометарки пред настапот на Европското првенство во Унгарија, Швајцарија и Австрија.

На списокот на селекторот Ивица Обрван се најдоа 20 ракометарки, но меѓу нив не се лидерите на националниот тим – Ќамила Мичијевиќ, Теа Пијевиќ и Валентина Блажевиќ. Ги нема ниту повредените Ана Дебелиќ и Андреа Шимара.

Трите „прецртани“ ракометарки се огласија во хрватските медиуми.

„Сите очекуваат ние да дадеме изјава, откако од медиумите дознавме за одлуката на селекторот Ивица Обрван да не бидеме повикани за настап на ЕП, бидејќи сме свесни дека тој очекува наша изјава. Во целост се сложуваме со тоа дека Обрван има право да повика кои ракометарки сака и тоа е негова одлука. Но сметаме дека по сите овие години кои ги дадовме за женскиот ракомет во Хрватска во најмала рака заслуживме да ни се јави селекторот, некој од стручниот штаб или сојузот и да не информира, а не да дознаваме од медиумите. Нема поубаво чувство од тоа кога се носи хрватскиот дрес. Длабоко сме навредени од постапката на селекторот, кој кажа дека вратите на репрезентацијата за нас се отворени, но тој самиот на овој начин ги затвора“, порачаа трите ракометарки за 24Сата.

Хрватска ќе тестира со Македонија и Србија на „Кроација Куп“ во Пореч од 22 до 24 ноември, додека на ЕП ќе биде во група со Данска, Швајцарија и Фарски Острови во Базел.

Хрватска на ЕП без главните ѕвезди – Обрван не смета на Мичијевиќ, Блажевиќ, Пијевиќ…

Македонскиот интернационалец Дејан Гошевски од денеска не е повеќе член на хрватскиот тим Метковиќ.

Гошевски имаше одличен старт на сезоната на индивидуален план, но тимот не играше според очекувањата и врза неколку порази во серија.

Најпрво беше сменет тренерот Дамир Батиновиќ, а сега и неговиот заменик Жељко Аниќ исто така веќе е минато за Метковиќ.

Потоа сметката ја платија и интернационалците од Босна и Херцеговина, Дамир Кадриќ и од Македонија, Дејан Гошевски.

Тој во Македонија беше дел од Металург, Охрид, Тиквеш и Голден Арт пред летово да се пресели во Хрватска.

Екипата на Вајперс Кристијансад, која пред извесен период беше пред згазнување поради финансиски проблеми, запиша трета победа во Лигата на шампионите.

Норвешкиот шампион славеше во натпреварот против Лудвигзбург со седум гола разлика, 30:23, а најзаслужна за победа на домашниот тим беше легендарната Катрин Лунде, која имаше 15 интервенции.

Вајперс Кристијансад со новите два бода се зацврсти на 5. позиција во групата Б, во која се наоѓа и романскиот Рапид Букурешт, тим во кој што настапува репрезентативката на Македонија, Сара Ристовска.

Богатиот проект од Романија никако не може да заигра според посакуваното во европската елита и во 7. коло беше поразен на гостувањето кај Ѓер, загуби убедливо со 11 гола разлика, 31:20.

Рапид Букурешт во досегашниот тек од европската елита на седум натпревари успеа да триумфира само еднаш, против Будуќност, а има и реми со Вајперс Кристијансад, останатото е порази.

На победа во 7. коло се радуваа уште Мец, Ференцварош, Глорија Бистрица, Подравка, Оденсе и Есбјерг.

Лига на шампиони, 7. коло, резултати:

Група А
Крим – Мец 25-34
ЧСМ Букурешт – Ференцварош 26-28
Бистрица – Никобинг 37-29
Сторхамар – Подравка 23-25

Група Б
Оденсе – Брест Бретањ 36-33
Вајперс – Лудвигзбург 30-23
Ѓер – Рапид Букурешт 31-20
Будуќност – Есбјерг 23:27