Еден од ривалите на Македонија на Мундијалот 2025, репрезентацијата на Холандија, денеска на „Yellow Cup“ турнирот во швајцарскиот град Винтертур беше убедлива над Косово со 36:24 (17:9).
Овие две репрезентации последен пат се сретнаа во ноември во рамки од квалификациите за пласман на ЕП 2026, тогаш во Приштина Косово одигра далеку подобро и успеа да ремизира, 33:33.
Репрезентацијата на Италија го изненади домаќинот Швајцарија, триумфираше со 31:29 (16:15).
Италија со денешната победа над Швајцарија покажа дека би била незгоден ривал на Мундијалот, кој ќе започне на 14 јануари, а „азурите“ за ривали во групната фаза ги имаат репрезентациите на Данска, Алжир и Тунис.
Избраниците на Енди Шмид ќе треба во подготвителниот период да се подобра бидејќи на Мундијалот се во тешка група, ќе играат против Германија, Чешка и Полска.
Освен во Швајцарија, се играше и во Романија на традиционалниот турнир „Трофеј Карпати“.
Подмладената Србија немаше проблеми против Грузија и победи со десет гола разлика, 35:25 (16:11), додека со скоро идентичен резултат заврши дуелот меѓу Романија и Турција – 35:26 (14:7).
