Еден од клубовите, кој јa “разбива” пасивноста на машкиот ракомет во Грција е екипата на АЕК Атина. Клубот е формиран во 2005 година. Од самото формирање, за само неколку години ќе започне да станува главен фактор во грчкиот шампионат, па така ќе освои четири шампионски титули во домашното првенство и четири пати екипата го освојуваше и Куп трофејот на Грција. АЕК Атина има и европска титула, од сезона 2020/21 кога клубот го освои првото место во ЕХФ Купот.