По поразот од Драчево Јуниор, ракометарите на Вардар Неготино им се вратија на победите во прволигашката конкуренција.
Избраниците на Ратко Вељанов славеа без никакви проблеми против екипата на Шампион со 38-29.
Гостите водеа само на стартот со 2-0, беше и 3-3 по пет минута игра, а потоа се беше во знакот на домашните ракометари.
На паузата неготинци водеа со 23-15 и потоа само рутински ја одработија задачата во второто полувреме.
Предводници во убедливата победа беа Наќе Ѓорѓев со 12 и Ѓорѓи Орешков со седум гола, а Давид Јовчевски постигнаа 11 за Шампион.
На табелата, Вардар Неготино сега има 26 бода на четвртата позиција, додека Шампион е претпоследен со два бода.
