Актуелниот шампион Ѓорче Петров во натпревар од 11. коло од плеј-оф фазата во Женската лига славеше над незгодниот Чаир, 37:29, со што го задржа максималниот ефект во разигрувањето за титулата.
Овој натпревар имаше брз темпo, со многу погодоци и подеми и падови на двете страни, што навестуваше дека ќе биде интересен. Гостинскиот тим на Басри Љатифи влезе доста мотивирано, го доби првото полувреме, но Ѓорче Петров во вториот дел се разбуди и не дозовли да има изненадување.
Чаир одигра одлично во првото полувреме, во кое во најголемиот дел беше во предност, а одлични беа Ѓоѓриевска, Величковска, Гулицоска, како и една од големите надежи – Хана Мифтари. Избраничките на Симе Симовски никако не можеа да пронајдат решение како да ги запрат мотивираните гостинки, па така во првите 30 минути Чаир најчесто водеше, но не со поголема разлика од два гола.
Сепак, домаќинките не беа во голема паника и се надеваа дека со подобра игра во второто полувреме ќе можат да дојдат до посакуваната цел. Дуото Вранчиќ – Дежиќ со своето големо искуство знаеше да погодува кога беше најпотребно. Во првиот дел беа постигнати дури 39 гола, а резултатот по 30 минути игра гласеше 20:19 во корист за домашниот табор.
За само неколку минути игра во вториот дел, односно по нерешените 23:23, тимот на Ѓорче Петров врза два гола во низа и за првпат дојде до плус два 25:23. Како одминуваше времето, така избрнаичките на Симовски влегуваа во посакуваниот ритам и во 45-та минута зголемија на плус пет, 30:25. Домаќинот до крајот успеа да ја зголеми својата предност и да слави со осум гола.
Најефикаснa во победничката екипа беше Ивана Дежиќ со девет погодоци, осум додаде Ана Вранчиќ, а по четири реализации имаа Ана Марија Коларовска и Катерина Дамјановска.
Во тимот на Чаир прво име беше Теодора Гулицоска со девет погодоци, по седум имаа Стефанија Ѓорѓиевска и Габриела Величковска.
