Македонскиот шампион Ѓорче Петров за стартот на сезоната ќе биде посилен за црногорска голманка.
Станува збор за Милена Вујисиќ, која ќе формира трио со Марија Јовановска и младата Дарија Наумоска.
23-Годишната Црногорка доаѓа од редовите на хрватскиот Замет Ријека, а потекнува од школата на Будуќност, со кој има забележано настапи и во Лигата на шампионите.
Вујисиќ по заминувањето од Подгорица една сезона беше дел од тимот на Груде со кој освои титула во Босна и Херцеговина, пред да се пресели во Хрватска.
Ѓорче Петров ќе ја стартува сезоната на 6/7 септември против екипата на Куманово, додека европски обврски ќе има во ноември.
