Ракометарките на Ѓорче Петров се првите финалистки на завршниот турнир во Купот на Македонија, откако во финалето го совладаа составот на Вардар со убедливи 39-18.
„Лавиците“ победата ја најавија уште по првото полувреме кога водеа со 19-12, а вториот дел беше само формално одработување на задачата за ново финале и меч за нов трофеј во Купот.
Ѓорче тргна со 3-0, но вардарки се вратија во егал, 4-4. Сепак потоа одново на сцена стапија бранителките на трофејот, кои имаа грешки, но и покрај тоа успеаја да стигнат до седум гола предност.
Второто полувреме не донесе големи возбудувања, шанса за настап добија сите ракометарки, но немаше резултатски промени и Ѓорче Петров на крајот убедливо обезбеди место во финалето.
Најдобри стрелци во победничкиот тим беа Ана Марија Коларовска со шест гола, како и Ивана Дежиќ и Ана Вранчиќ со по пет погодоци, додека кај Вардар се истакна Леона Миленкоска со шест голови.
Во второто полуфинале ќе се сретнат Металург Автокоманда и Чаир од 19:30 часот, додека финалето е на програмата од 16:00 часот во текот на утрешниот ден.
