По завршувањето на Светското клупско првенство на ИХФ 2025, со победата на Барселона над Веспрем со 31-30 по две продолженија од 2х5 минути, беше објавен и идеалниот тим на турнирот.
Тројца играчи од победничката Барселона се најдоа во оваа селекција – најдобриот голман Емил Нилсен, стрелецот на одлучувачкиот гол Алеиш Гомез Абело и левиот бек Тимоте Н’Гесан.
Од Веспрем, кој заврши како второпласиран, беа избрани тројца играчи: МВП на турнирот Родриго Коралес, најдобриот десен бек Иван Мартиновиќ и најдобриот лев крилен играч Иго Деска, кој воедно беше и најдобар стрелец со 28 голови.
Коралес, кој беше прогласен за МВП, во финалето против Барселона имаше 16 одбрани, а вкупно низ целиот турнир 45, со одлична ефикасност на одбраните од 40,6%.
Третопласираниот тим Магдебург имаше двајца свои претставници во идеалниот состав – средниот бек Гисли Кристијансон и пивотменот Магнус Сауґструп.
Најдобар стрелец на турнирот беше Иго Деска со 28 голови, пред двајцата ракометари на Шарџа СК – Махмуд Радван (26) и Муад Ајари (24).
