Екипата на Јехона им се врати на победите во рамките на Првата лига, откако на домашен терен славеше убедливо против Кичево со резултат 35-24, а на паузата водеше со 20-13.
Домаќините од самиот почеток ја контролираа играта и не му оставија простор на противникот за изненадување.
Јехона стигна до четвртата сезонска победа и има осум бода на табелата, додека Кичево останува на дното без ниту еден освоен бод.
Најрасположен за игра кај победничкиот состав беше Адис Салиу, кој блескаше со 14 погодоци, а поддршка му дадоа Бојан Давидоски, Михајло Живкоски и Новица Михајлоски, сите со по пет гола.
Во редовите на Кичево, Славко Бошковиќ и Петар Стерјоски беа најефикасни со по шест гола, додека Александар Зафироски постигна пет.
