„Сино-белите“ од Автокоманда ја запишаа шестата победа во шестиот натпревар од Супер лигата, откако на домашен терен славеа убедливо против Струга со 35-20. Предводник на домаќините беше десното крило Никола Костески, кој блескаше против својот матичен клуб и даде 13 голови.
Победникот беше решен уште по провото полувреме кога домашните ракометари поведоа со десет гола разлика, 17-7.
Во вториот дел немаше стружани го кренаа нивото, но немаа многу шанси да направат некаков резултатски камбек во натпреварот.
Покрај Костески кој беше најдобар стрелец, во победничкиот состав се истакна уште и левото крило Арно Бинго со шест и Михајловиќ со четири гола. Голманот Трајкоски имаше 12 интервенции. Во тимот на Струга шест гола запиша Богдан Мијушковиќ, додека Филип Мечкароски четири пати беше прецизен во домашната мрежа.
Во следното коло тимот од Автокоманда ќе гостува кај новиот суперлигаш Бисинов во Велес, додека Струга ќе го пречека Радовиш.
ПОВРЗАНИ ВЕСТИ
