Женската репрезентација на Македонија денес го започнува квалификацискиот циклус за пласман на Европското првенство 2024, кое ќе се одржи во Швајцарија, Унгарија и Австрија.
Македонија во квалификациите е во група заедно со репрезентациите на Азербејџан, Литванија и Шпанија.
Избраничките на Кристијан Грчевски за прв ривал го имаат Азербејџан, додека во второто коло ќе гостуваат во Литванија.
Денешниот дуел меѓу Македонија и Азербејџан ќе се одигра во малата сала во СЦ „Јане Сандански“ со почеток од 18:00 часот.
Пренос од овој дуел ќе има на МРТ и на ЕХФ ТВ. Може да го гледате ТУКА и ТУКА.
*линкот на ЕХФ ТВ работи само ако го следите натпреварот од странство, а претходно ќе ви треба регистрација во неколку чекори.
Судии на овој дуел ќе бидат Пикар и Воше од Франција, додека делегат ќе биде Хашани од Косово.
ПОВРЗАНИ ВЕСТИ
