Црногорскиот стратег Зоран Кастратовиќ ќе има нов предизвик во богатата кариера, откако стана селектор на машката репрезентација на Јордан.
Кастратовиќ веќе пристигна во Аман и ги договори сите детали за соработката со челниците на тамошната федерација.
Прв голем предизвик за Јордан и Кастратовиќ ќе биде настапот на Азиското првенство во јануари во Кувајт, а Јордан ќе игра во групата Б заедно со Кина, Ирак и Бахреин.
Црногорецот има големо искуство и како селектор и како тренер. Во Македонија работеше во Пролет, Металург и Вардар, а ги водеше и Беране, Сутјеска, Будуќност, Ел Џаиш, Ал Мудар и Ал Кадсија.
Беше на селекторските позиции во машките репрезентации на Црна Гора, Иран и Саудиска Арабија, а ја водеше и женската репрезентација на Македонија.
