Репрезентацијата на Франција славеше во дербито на последното коло од главната фаза на Европското првенство против домаќинот Унгарија со три гола разлика, 27-30 (13-13).
Ова беше прв пораз за домаќинките, а на теренот на „Феникс Арената“ во Дебрецен гостите дојдоа до својата цел – првото место во првата група. Унгарија, исто како и Франција, ќе игра во полуфиналето на континенталниот собир, а за пласман во финалето ќе се бори против Норвешка.
Унгарија имаше лош старт и првиот гол на натпреварот го постигна дури во 10-та минута. Сепак, ниту Франција не играше на ниво, па така домаќинките за 20 минути игра постигнаа 13 гола.
Франција водеше со четири гола разлика (7:3, 10:6), и во последниот период од првиот дел попушти, па така на полувреме беше нерешено, 13:13.
Гостинките слично тргнаа на стартот на вториот дел, со три гола во низа се одлепија на 16:13 и до крајот ја сочуваа стекнатата предност. Овој момент беше одлучувачки на натпреварот, бидејќи избраничките на Головин никако не можеа да се вратат во игра.
