Холандската репрезентативка и специјалист за одбрана, Кели Дулфер, го продолжи договорот со унгарскиот гигант Ѓер до 2028 година.
Дулфер се пресели во Унгарија во 2023 година и за краток период освои две титули во Лигата на шампионите со клубот.
„Горда сум што сум дел од овој клуб и што ќе можам да ја продолжам мојата кариера во Ѓер. Тука најдов сè што ми е потребно – фантастичен тим, амбициозни цели и неверојатни навивачи,“ изјави Дулфер по потпишувањето на новиот договор.
Со ова продолжување, Ѓер го задржува еден од своите клучни адути во борбата за нови европски и домашни трофеи.
