Со преку 27 освоени европски трофеи (вклучувајќи 10 во Лигата на шампионите), бројни светски и европски титули и олимписки медали, ова е најбогатиот состав на легенди што некогаш се собрал во Македонија. Публиката во Скопје ќе има ретка можност да ги види на дело луѓето што оставија трага во историјата на Вардар, Металург, Барселона, Киелце, Загреб, Кил, Фленсбург и многу други гиганти.
На 29 октомври, во „Јане Сандански“, Скопје повторно ќе живее за ракометот.
Во организација на Спортско радио 90.3 ФМ, ќе се одржи спектакуларниот ревијален натпревар „All-Star Ракомет: Легендите на сцена“ – вечер посветена на хероите кои го испишаа најсјајното злато во историјата на европскиот и македонскиот ракомет.
Ова не е обичен натпревар. Ова е емоција, носталгија и спортска магија во едно.
Во Скопје ќе се појават имиња што го одбележаа целиот еден спортски век – олимписки, светски и европски шампиони, победници во Лигата на шампионите, херои што ги полнеа арените со емоции и ја правеа публиката да стои на нозе.
Ќе видиме ракометни великани кои ги обележаа последните две децении – Лино Червар, Веселин Вујовиќ, Арпад Штербик, Иван Чупиќ, Игор Вори, Ренато Вугринец, Игор Карачиќ, Вуко Борозан, Златко Хорват, Мануел Штрлек, Илија Абутовиќ, Жељко Муса, Горан Шпрем, Петар Ѓорѓиќ, Страхиња Милиќ, Жоан Кањелас, Данил Шишкарев…. Списокот треба да биде уште подолг бидејќи се очекува потврда од уште неколку светски ѕвезди.
Секој од нив зад себе има блескава кариера и титули што ја обликуваа ракометната историја:
💬 Една вечер. Една сала. Илјадници аплаузи.
🎟️ Еден билет за сеќавање што трае цел живот.
КУПИ СИ НАВРЕМЕ БИЛЕТ ЗА НАСТАНОТ ШТО ЌЕ СЕ ОДРЖИ СЕГА И САМО ВО СКОПЈЕ
https://ticketx.com.mk/events/legendite-na-scena-01
🏆 Лино Червар – селектор што ја водеше Хрватска до злато на Светското првенство 2003 и олимписко злато во Атина 2004, како и неколку сребрени и бронзени медали на Европски и Светски шампионати. Со Металург напиша приказна што уште се раскажува, и стигна до четврт-финале на ЛШ
🥇 Арпад Штербик – светски и европски шампион со Шпанија (2013, 2018), четирикратен победник во Лигата на шампионите со Сиудад Реал, Вардар и Барселона.
🥇 Иван Чупиќ – двократен европски шампион со Вардар (2017, 2019), олимписки бронзен медалист (2012) и повеќекратен освојувач на национални титули во Хрватска, Полска и Македонија.
🥇 Игор Вори – олимписки златен (2004) и бронзен (2012), светски шампион (2003), победник на Лигата на шампионите со Хамбург (2013).
🥇 Златко Хорват и Мануел Штрлек – бронзени олимписки медалисти (2012) и повеќекратни медалисти на Европски и Светски првенства со Хрватска.
🥇 Игор Карачиќ, Вуко Борозан, Арпад Штербик и Иван Чупиќ – беа дел од славниот Вардар кој двапати го покори европскиот трон (2017 и 2019).
🥇 Ренато Вугринец – еден од најдобрите десни бекови во историјата на регионалниот ракомет, поранешен член на словенечката и македонската репрезентација, и денес спортски директор на Партизан.
Овие асови зад себе имаат десетици медали:
🏆 Олимписко злато – Игор Вори, Веселин Вујовиќ, Лино Червар (како тренер),
🌍 Светски шампиони – Штербик, Чупиќ, Вори, Червар,
🇪🇺 Европски прваци – Карачиќ, Кањелас, Муса,..
🏅 Повеќекратни победници во Лигата на шампионите – Вардаровите херои Штербик, Чупиќ, Карачиќ, Борозан, Шишкарев, Кањелас.
„Ова ќе биде вечер на спомени, пријателство и љубов кон ракометот. Ќе се вратат моментите кога салите гореа од енергија, кога секој потег будеше еуфорија“, велат организаторите од Спортско радио 90.3 ФМ, кои со овој спектакл го прославуваат својот 20-годишен јубилеј.
Атмосферата ќе биде полна со емоции, хуманост и спортски дух – затоа што легендите не играат само со топка, тие играат со срце.
📅 29 октомври 2025 (среда)
📍 СЦ „Јане Сандански“ – Скопје
🕕 Почеток: 19:00 часот
🎫 Билетите се достапни преку www.ticketx.com.mk и на билетарницата на салата
